Qazaqstan kúsh-jigerin qashan da qoldaıdy

«Astanada úsh jylda bir ótetin Álemdik jáne dástúrli dinder kóshbasshylarynyń sezi ártúrli mádenıet pen dinderi bar halyqtar men elderdiń arasyn jaqyndastyratyn aıryqsha kópirge aınalyp otyr», – dep málimdedi Birikken Arab Ámirlikteriniń Islam jáne ýaqyp isteri jónindegi bas agenttiginiń tóraǵasy doktor Muhammed Matar Salım ál-Kagbı Qazaqstannyń Ábý Dabıdegi elshisi Qaırat Lama Shárippen kezdesýi barysynda. Muhammed ál-Kagbı Qa­zaqstan Res­pýblıkasy Parla­men­ti Se­naty­nyń Tóraǵasy – sezd Hatshy­ly­ǵynyń basshysy Qasym-Jomart Toqaevtyń aldaǵy 10-11 maýsymda Astanada ótetin Álemdik jáne dástúrli dinder kóshbasshylarynyń V sezine qatysýǵa shaqyrýyn zor rızashylyqpen qabyl aldy. Ol Qazaqstan óziniń ozyq úl­gi­­simen barsha álemge kon­fessııalar arasynda tatýlyq pen kelisim ornatý múmkin eken­digin kórsete bilýde, dep atap ótip, Ámirlikterdiń Qazaqstan Pre­zıdenti N.Á.Nazarbaevtyń Is­lamnyń shynaıy rýhanı-máde­nı qundylyqtaryn damytý men saqtap qalýǵa baǵyttalǵan kúsh-jigerin árdaıym qoldaı­tyndyǵyn qýattady. «Egemen-aqparat».